“Ermənistan təcavüzkarlığı dayandırsın!”, “Qarabağ bizimdir, bizim olacaq!”, “Ermənistan işğal edilmiş Azərbaycan torpaqlarından çıxsın!”, “Zorakılığa son!”, “Dünya birliyi Ermənistanın təcavüzkarlığını qınamalıdır!”.
Bu şüarlar Ermənistan silahlı qüvvələrinin Azərbaycan-Ermənistan dövlət sərhədinin Tovuz istiqamətində törətdiyi təxribata etiraz olaraq Niderland Krallığının parlamenti qarşısında azərbaycanlıların keçirdiyi aksiyada səsləndirilib.
Etiraz aksiyasında Niderland-Belçika Azərbaycanlıları Koordinasiya Şurasının, Benilüks Azərbaycanlıları Konqresinin, Hollanda Azərbaycan-Türk Kültür Dərnəyinin üzvləri, eləcə də Avropada yaşayan soydaşlarımız və Türk icmalarının üzvləri iştirak edib.
Aksiya iştirakçıları Niderland parlamentinə bəyanat ünvanlayaraq erməni təcavüzünün qarşısının alınması məqsədilə petisiya irəli sürüblər.